Shpërblimet e vitit të ri, Braçe: Kemi përjashtuar klasën politike!
Intervista:
Braçe: Për pensionistët nuk është asnjëherë mjaft, por që për pensionistët nuk është asnjëherë mjaft, por është shuma më e madhe e ndarë nga buxheti i shtetit që kurse qeveria e Fatos Nanos të shpërblejë për vitin e ri rreth vitit 2003-2004. Jo vetëm i kujtuam pensionistët, por i kemi shpërblyer me një shumë para për t’u garantuar një darkë të këndshme për vitin e ri. Plani i realizimit të të ardhurave ka ecur mirë dhe natyrisht ka bërë të mundur që një pjesë e konsiderueshme e këtyre parave të shkojnë drejtpërdrejt edhe për atë që sot u konsiderua si paketa e solidaritetit. Janë para që shkojnë jo vetëm për pensionistët, por edhe për personat me aftësi të kufizuara dhe familjet në nevojë.
-Çfarë mund të themi për 20 mijë lekë të vjetra për familjet në nevojë?
Braçe: Ka edhe një shumë për familjet me ndihmë ekonomike, vlera e ndihmës ekonomike është rritur me mbi 50 për qind. Vlera që do të marrin pensionistët është pothuajse edhe një herë më shumë se vlera që ata do të marrin gjatë vitit të ardhshëm.
-Pse u përjashtua administrata?
Braçe: Nuk është përjashtuar administrata. Ne do të vazhdojmë skemën e stimulimit të atyre punonjësve që kanë arritur rezultate të mira. Ne kemi shpërblyer mësuesit e 10 shkollave më të mira të mesme. Kjo lloj politike që stimulon ata punonjës të administratës publike do të vijojë por gjithmonë tek ata që kanë arritur rezultate të mira. Më lejoni t’ju them që është përjashtuar edhe gjithë klasa politike për vitin e tretë radhazi. Natyrisht është e arsyeshme, dhe për këtë arsye e kemi bërë.
