Shpërthen në atmosferë, meteori kthen natën në ditë në Siberi (video)

Banorët në Republikën e Khakassia në jugperëndim të Siberisë, ishin dëshmitar të shpërthimit të një topi gjigant të zjarrtë në qiell i cili për pak sekonda e shndërroi natën në ditë.

“Fillimisht nuk e dija se çfarë po ndodhte. Papritmas qielli u shndrit, ishte thjesht një dritë e madhe”, thotë një nga dëshmitaret, Olga Sagalakova.

“Mbi male pamë që po fluturonte një meteor gjigant. Kishte një bisht, thjesht ishte i frikshëm, sepse menduam që mund të jetë një bombë”, ka shtuar ajo.

Raportohet se meteori ka shpërthye në atmosferë. Nëse ndonjë fragment i meteorit ka “mbijetuar”, atëherë destinacioni më i mundshëm ku mund të ketë rënë raportohet të jetë lugina Valley, zonë drejt së cilës është nisur një ekspeditë.