Shpëtim Gjika transferohet në Tiranë, pëson infarkt

Kreu i Bashkisë së Vlorës, Shpëtim Gjika, në ditën që është arrestuar përfundoi në spital, ku vazhdon t’i jepet ndihma mjekësore. Ndërkohë që Gjika u transportua nga spitali i Vlorës për në Tiranë, pritet që të hënën drejtësia të japë masën ndaj tij, pas arrestimit dhe akuzave që i janë ngritur, për shpërdorim detyre.  Pak orë pasi ishte mbyllur në burg, Gjika shfaqi probleme shëndetësore, prej  tensionit të lartë. Fillimisht ai u shoqëruar me forca policore, dhe pasi la ambientet e komisariatit, iu drejtua Spitalit rajonal të qytetit. Mjekët e shtruan menjëherë kryebashkiakun e Vlorës në reanimacion dhe nën kujdesin e tyre kaloi aty natën e parë, i ruajtur me policë te koka.

Gjendja e Gjikës

Në orët e para të ditës mjekët e Vlorës edhe pse e cilësuan stabël gjendjen shëndetësore, e panë të nevojshme që Shpëtim Gjika të transportohej në Tiranë, për një mjekim më të specializuar në Spitalin e burgut. Mjeku kardiologut,  Shpëtim Gjikës, konfirmoi: – “U vlerësua dhe njëherë gjendja e tij. Sëmundjet skemike kështu janë. Janë dhimbje gjoksi që mund të tregojnë shumë gjëra, mund të çojnë drejt infarktit apo para-infarktit. Vlerësimi është njëlloj. Do të ishte mirë të bënte një koronografi, që nuk mund të realizohet këtu,”  – theksoi Gjika. Dyshohet se ai ka pësuar infarkt. – “I dhamë të drejtën ta bëjë në një spital tjetër.” Pas dy orësh udhëtimi me ambulancë dhe i shoqëruar nga policia, kreu i Bashkisë bregdetare arriti në Spitalin e burgut. Gjika është shoqëruar për në një Spital privat, nën kujdesin e dy punonjësve të policisë. Pas ndihmës mjekësore, në  fillim të javës së ardhshme, Gjika do të njihet zyrtarisht me akuzat dhe do t’i verifikohet masa e sigurisë. Burime nga organi i akuzës bënë me dije se të hënën, do të jetë me shumë mundësi në Spitalin e burgut seanca e masës së sigurisë, ku duke para gjendjen shëndetësore, me shumë gjasa Kryebashkiaku pjesën tjetër të izolimit mund ta kalojë jashtë qelisë.