Shqipëria del zyrtarisht në tregjet e huaja, kërkon borxh

Shqipëria doli zyrtarisht në tregjet ndërkombëtare obligacioneve këtë të enjte ku kërkon të gjejë investitorë  për një borxh tjetër me maturi 5-vjeçare.

Ky veprim vjen pesë vjet pas shfaqjes së fundit të Shqipërisë në tregun ndërkombëtar të obligacioneve në euro, pas vitit 2011, kur vendi ynë u mori investitorëve të huaj 300 milion euro,” – shkruan Joel Lewin, për “Financial Time”.

Sipas Ministrisë së Financave në Shqipëri, vendi ynë tani synon të marrë një borxh deri në 500 milion euro.

Borxhi i marrë nëpërmjet bonove në vitin 2010 ishte 12 për qind, dhe erdhi pasi eurozona i shpëtoi krizës. Banka Qendrore Evropiane shërbeu për stimul  monetar, ndërsa interesi ra nën 2 për qind në fillim të këtij viti.

Shqipëria ka rekrutuar Deutsche Bank dhe JP Morgan që të shesë pasardhësin e borxhit të kaluar për investitorët.

Rënia e interesit të obligacioneve në euro për Shqipërinë ka ardhur pavarësisht borxhit të vendit në raport me PBB-në rritje nga më pak se 55 për qind në vitin 2009, në 72 për qind në fillim të këtij viti.

Borxhi në euro, sipas FT, ka gëzuar kohët e fundit një fryrje.

Gjatë javës së fundit, Presidenti i Bankës Qëndrore Europiane,  Mario Draghi tha se është hapur rruga për një stimul të mëtejshëm monetar në fillim të dhjetorit.

Marrëveshja e Shqipërisë vjen si një stuhi me emra shtetesh që shihen rrallë në tregjet ndërkombëtare të kapitalit, të tilla si Pakistani, Iraku, Etiopia, Gana, Zambia dhe Bregu i Fildishtë.

Megjithë rendimentet e ulëta, investitorët e huaj kanë inkurajuar investimet e tyre për të parë përtej huamarrësve të mirë.