Shqiptarja që shkëlqeu në “The Voice of Belgium”

The Voice”, është një ndër produksionet muzikore që ka nxjerrë gjithmonë talente shqiptare nëpër botë. Belinda Iberhysaj nga Deçani i Kosovës, është këngëtarja e fundit që ka mrekulluar skenën e “The Voice”, që garon në shtetin e Belgjikës. Ajo ka shkëlqyer me performancën e saj mbresëlënëse duke i bërë për vete të gjithë trajnerët, e kështu ata u kthyen që në katër sekondat e parë të këngës. “Ho Hey” është kënga që kishte përzgjedhur Belinda e që bëri që publiku të qante duke e përjetuar këngën, por edhe sytë e saj në fund u mbushën me lot . Të gjithë trajnerët e rrethuan dhe e përkrahën fuqishëm. Në fund pas shumë debateve mes trajnerëve se kush do ta merrte ajo zgjodhi këngëtaren e njohur amerikane që jeton në Belgjikë, Beverly Jo Scott.