Stresi “provokon” Noizy-n në Instagram

Në një moment kur u duk se dy reperat shqiptarë, Noizy dhe Stresi kishin bërë “paqe”, ka qenë ky i fundit i cili kujton “fantazmat” e së shkuarës.

Të dy këngëtarët do të performojnë sonte në Pejë, në klube të ndryshme dhe Stresi ka përgatitur fansat e tij të “ekstrem” mirë para mbrëmjes së sotme.

Në një postim në Instagramin e tij, Stresi ka ftuar të gjithë ata mbi moshën 18 vjeç, duke shtuar se ata nën 16 do të shkojnë atje ku do të performojë “rivali i tij i betuar”, Noizy.

“Me datën 17 në Pejë Athurs Club be there. +18 ka na, -16 andej”, ka shkruar Stresi në foton e publikuar në Instagram.

“Peja, po vijmë”, ka shkruar reperi tjetër Noizy, duke e treguar hapur mbase që nuk i intereson aq shumë të “ndeshet” me konkurentin e tij.

Vlen për t’u rikujtuar që dyshja Noizy-Stresi kanë qenë shumë problematikë në përballjet mes njëri tjetrit disa vite më parë, por gjërat duken sikur janë qetësuar me kalimin e viteve.