“Sup më sup lidhur si malet, LSI-ja kurrë nuk ndalet”, zbulohen vargjet e Luan Ramës në Kukës

I njohur për krijimtarinë e tij dhe pasionin për poezinë apo këngët me çifteli, nënkryetari i LSI-së Luan Rama ka befasuar sërish qytetarët. Ka zgjedhur Kukësin, ku është sot, për t’u drejtuar simpatizantëve të mbledhur disa vargje, të cilat i ka krijuar posaçërisht.

  “Sa të ketë fjalë e besë Malësia

del e para LSI-ja

sup më sup lidhur si malet

LSI-ja kurrë nuk ndalet”,- janë vargjet e Luan Ramës.

 Në qytetin e Kukësit Rama ka prezantuar kandidatët për deputet të LSI-së, duke theksuar se LSI është forcë e parë dhe do të qeverisë  për qytetarët, jo për kryetarët. “Edhe Kukësi do të ketë deputet të LSI-së në Parlament. Selvi Beçaj zgjedhja më e mirë për Kukësin dhe ju ftojmë të zgjidhni një vajzë Kukësi jo një të importuar”, ka thënë mes të tjerash Luan Rama.