Taulant Balla ndan pamjet: Paskuqani drejt urbanizimit të plotë, vijojnë punimet për rrugët dhe kanalizimet

Lajme E Mërkurë, 12 Gusht 2026 16:15

Punimet për urbanizimin e Paskuqanit në Bashkinë Kamëz vijojnë me ritme të larta. Investimet përfshijnë kanalizimet, sistemimin dhe asfaltimin e rrugëve, si dhe përmirësimin e ndriçimit publik.

Kreu i grupit parlamentar i PS-së njëherësh edhe drejtues politik i PS për qarkun Tiranë, Taulant Balla, ka inspektuar nga afër ecurinë e punimeve në Paskuqan, së bashku me kryetarin e Bashkisë Kamëz, Rakip Suli. Sipas Ballës, aktualisht janë mbi 6 kilometra rrugë që po shtrohen, ndërsa një prej akseve ku punimet janë drejt përfundimit është Rruga “Abdyl Ypi”.

”Në Paskuqan, Bashkia Kamëz vijojnë punët publike për urbanizimin e plotë, kanalizime, sistemim-asfaltim rrugësh, ndriçim publik. Janë mbi 6 km rrugë që po shtrohen këto ditë. Bashkë me Kryetarin e palodhur Rakip Suli pamë nga afër punimet që po shkojnë drejt përfundimit në Rrugën “Abdyl Ypi””,-shkruan Balla.