Tension në një KZAZ në Durrës, PD kërkon rinisjen e procesit

Një incident është regjistruar pranë KZAZ-së numër 22 në Durrës, ku është konstatuar një parregullsi në një prej kutive të votimit. Dy vota rezultojnë më tepër nga sa ishin votues, duke ngritur dyshime mbi vlefshmërinë e kutisë në fjalë.

Situata është bërë e njohur nga kandidatja e listave të hapura të PD, Jola Hysaj, e cila ka kërkuar që të ndërpritet procesi dhe të rinisë vlerësimi i kutisë problematike.

Ajo ka theksuar se duhet të zbatohen të gjitha procedurat ligjore sipas rregullave të Komisionit Qendror të Zgjedhjeve për rastet kur numri i votave del më tepër se sa pritet.