Seanca e parë plenare pas pushimeve verore u shoqërua me tensione të forta në Kuvend. Deputetët e Partisë Demokratike bllokuan foltoren, duke penguar zhvillimin normal të punimeve parlamentare. Në përpjekje për të qetësuar situatën, deputeti Llajo iu drejtua Sali Berishës me një thirrje publike për respektimin e rregullores së Kuvendit: “Doktor Berisha, kam respekt për ju si pedagog, por ju lutem respektoni rregulloren,”- u shpreh ai.