“Frymë e re” për shkollat e Shkodrës, Beci: Po investojmë në dinjitetin e nxënësve dhe mësuesve

Bashkia e Shkodrës ka nisur një valë të gjerë ndërhyrjesh në infrastrukturën arsimore të qytetit, duke synuar përmirësimin e kushteve nga shkollat 9-vjeçare e deri te fakultetet. Përmes një komunikimi në rrjetet sociale, kryebashkiaku Benet Beci ka theksuar se këto investime po i japin ambienteve mësimore vëmendjen që u ka munguar prej vitesh.

Sipas Becit, ndërhyrjet nuk po kryhen vetëm për aspektin estetik, por për të rritur funksionalitetin dhe për të krijuar një mjedis më dinjitoz për ata që janë në qendër të sistemit: nxënësit dhe mësuesit./J.H/