Kryetari i Bashkisë së Tiranës, Erion Veliaj, ka pësuar një frakturë në këmbë gjatë një ndeshjeje futbolli në ambientet e ajrimit të paraburgimit të Durrësit, ku ndodhet prej shkurtit të vitit 2025.
Sipas raportimeve, incidenti ka ndodhur rreth dy javë më parë. Pas dëmtimit, Veliaj është transportuar drejt një spitali privat në Tiranë, ku i është nënshtruar ekzaminimeve radiologjike dhe më pas i është vendosur këmba në allçi.
Veliaj ndodhet në paraburgim në kuadër të çështjes penale të hetuar nga SPAK. Sipas akuzave të bëra publike, ndaj tij rëndojnë 13 akuza, ndërsa kryebashkiaku i ka mohuar ato.
Ndërkohë, më 15 shtator 2026, Gjykata e Lartë la në fuqi masën e sigurisë “arrest në burg” ndaj Veliajt, pas shqyrtimit të çështjes në Dhomë Këshillimi. Vendimi erdhi pas rikthimit të çështjes nga Gjykata Kushtetuese për rishqyrtim.
Me vendimin e 15 shtatorit, Veliaj do të vijojë të qëndrojë në paraburgim, ndërsa procesi gjyqësor ndaj tij vijon.