VIDEO/ Ambasadori amerikan në NATO shkon në Kuçovë: Shqipëria po rrit ndjeshëm kapacitetet në mbrojtjen kibernetike

Ambasadori i Amerikës në NATO, Matthew Whitaker ka vlerësuar nga afër kapacitetet ushtarake të Shqipërisë gjatë një vizite në bazën ajrore të Kuçovës. Përmes një postimi në “X”, ai bëri të ditur se zhvilloi një fluturim mbi bazën, i shoqëruar nga ministri i Mbrojtjes, Ermal Nufi, duke theksuar se vendi po rrit aftësitë në mbrojtjen kibernetike dhe po merr më shumë përgjegjësi.

“Në Shqipëri, pata një tur informues nga ajri mbi Bazën Ajrore të Kuçovës, i shoqëruar nga ministri i Mbrojtjes Ermal Nufi. Shqipëria po rrit ndjeshëm kapacitetet në mbrojtjen kibernetike, është e angazhuar në operacionet për paqe dhe në Forcën Ndërkombëtare të Stabilizimit në Gaza, si dhe në misione të tjera. Gjatë diskutimeve me kryeministrin Edi Rama dhe ekipin e tij, theksova se presim të shohim çfarë më shumë mund të arrihet për lëvizshmërinë ushtarake, pasi Shqipëria të përmbushë objektivin e Presidentit Donald Trump për shpenzimet në mbrojtje në nivelin 5% të Prodhimit të Brendshëm Bruto”,-shkruan Whitaker.

Duke fluturuar mbi Bazën Ajrore të Kuçovës, e rinovuar përmes fondeve të NATO-s, Whitaker dhe Ministri i Mbrojtjes, Ermal Nufi, diskutuan aftësinë e Shqipërisë për t’u bërë një nyje logjistike e NATO-s në rajon përmes investimeve në Korridorin VIII, si dhe mënyrat se si Shqipëria mund ta çojë sigurinë rajonale në nivele më të larta përmes rritjes së shpenzimeve në fushën e mbrojtjes.

In Albania, I had an informative flyover tour of the Kucova Air Base from Defense Minister Ermal Nufi. 🇦🇱 is increasingly capable in cyber defense, committed to the Board of Peace and International Stabilization Force in Gaza, and more. Discussing with Prime Minister Rama, and… pic.twitter.com/NHEw3RjvEp

— U.S. Ambassador to NATO (@USAmbNATO) April 24, 2026