Kryeministri Edi Rama ka publikuar një video nga Brukseli, ku ndodhet së bashku me anëtarët e kabinetit të tij qeveritar.
Në mesazhin e shpërndarë, Rama flet pas konferencës ku u mbyllën 3 kapituj, ku thotë se synimi është që deri në vitin 2027 të përmbyllen të gjithë kapitujt e negociatave për anëtarësimin në Bashkimin Europian.
Gjatë fjalës së tij, kryeministri nuk la pa komentuar edhe qëndrimet e opozitës, duke i ironizuar kritikat e saj ndaj qeverisë dhe rrugëtimit europian të vendit.
”Po si thanë: ‘Iku kjo punë. Nuk ka më negociata’? Por në fakt, jo vetëm ka negociata, por u mbyllën tre kapitujt e parë. Pra filloi numërimi mbrapsht, mbyllja e kapitujve. Dhe ne, duan s’duan ata që s’duan, do t’i mbyllim të gjithë kapitujt deri në vitin 2027”, tha Rama.