Zbulohet në Lushnjë një ndërtesë e Antikitetit të Vonë

Në Kodrën e Pusit, pranë fshatit Murrizë të Lushnjës, arkeologët po zbulojnë gradualisht themelet e një ndërtese me përmasa të mëdha.

Kryeministri Edi Rama ka ndarë disa pamje nga gërmimet që vijojnë me intensitet dhe shkruan se të dhënat e deritanishme tregojnë se zona ka qenë e banuar në periudhën e Antikitetit të Vonë.

“Gërmimet arkeologjike vijojnë intensivisht në Kodrën e Pusit, pranë fshatit Murrizë (Lushnje), ku po zbulohen gradualisht themelet e një ndërtese me përmasa të mëdha.
Të dhënat e deritanishme tregojnë se zona ka qenë e banuar në periudhën e Antikitetit të Vonë, duke sjellë informacione të vlefshme mbi zhvillimin ekonomik dhe shoqëror të saj.
Gërmimet do të vijojnë për të zbuluar më shumë detaje rreth funksionit të godinës dhe kontekstit të saj kulturor”, shkruan Rama në rrjetet sociale.