Zjarr në afërsi të Gjirit të Gramës, flakët përhapen për shkak të erës

Një vatër zjarri ka përfshirë mbrëmjen e së shtunës zonën e quajtur Shën Andreas, në afërsi të Gjirit të Gramës zonë që lidhet me Palasën.

Flakët kanë përfshirë një sipërfaqe të konsiderueshme kryesisht me shkurre, ndërsa era e ka ndihmuar në përhapjen e zjarrit drejt zonës së Karaburunit.

Dy mjete zjarrfikëse nga Orikumi dhe Vlora kanë mbërritur në vendngjarje me 10 punonjës ,por terreni i vështirë e ka bërë ndërhyrjen pothuajse të pamundur.

Forcat zjarrfikëse janë ende në terren dhe po monitorojnë situatën. Sipas burimeve nga zjarrfikësja, shpresohet që brenda orëve të natës zjarri të vihet nën kontroll.