“1 Vjetori i Qendrës Rinore në Tiranë”

Ministria e Mirëqenies Sociale dhe Rinisë organizoi sot 1 vjetorin e Qendrës Rinore të Tiranës. Në prezencë edhe të Kryetarit të Bahkisë, zotit Erion Veliaj në statusin e ish MInistrit, Ministri i Mirëqenies Sociale dhe Rinisë, zoti Blendi Klosi tha se kjo është një qendër e cila vetëm në një vit, ka arritur të mbledhë 20.000 të rinj, duke u bërë kështu institucioni që ka mbledhur më shumë dashuri në këtë qytet.

Ky numër është vërtetimi i konceptit të shprehur një vit më parë së sa e rëndësishme ishte  kjo hapësirë në Tiranë dhe jo vetëm. Për këtë arsye, Qendra Rinore e Tiranës nuk është e vetmja në vend; dy qendra të tjera janë gati për t’u inaguruar, në Korçë dhe Vlorë, me qëllimin për t’ju  ardhur pranë sa më shumë te rinjve në Shqipëri.

Qendra Rinore e Tiranës, ka arritur të pasqyrojë 300 aktivitete në vetëm 365 ditë dhe për këtë fakt, Ministri Klosi u shpreh:“Kjo qendër, punon çdo ditë, për t’iu kundërpëgjigjur me mirësi dhe dashuri, fjalës së keqe dhe helmit që shumë mundohen t’ja injektojnë këtij qyteti.”

Edhe në fjalën e tij, Kryetari i Bashkisë së Tiranës zoti Erion Veliaj, u shpreh i impresionuar nga puna e Ministrisë së Mirëqenies Sociale dhe Rinisë dhe e Ministrit Blendi Klosi, bërë për këtë Qendër dhe për të rinjtë që janë pjesë aktive e kësaj Qendre. Duke rikujtuar gjithashtu përpjekjen e madhe të bërë nga Ministria nën drejtimin e tij dhe se ndihej i lumtur, që ajo përpjekje është justifikuar më së miri.

Në 1 vjetorin e saj, Qendra  Rinore e Tiranës është krenare dhe ka të drejtë të mburret për listën e gjatë të bashkëpunëtorëve që ka krijuar dhe e të rinjve që disa si pjesëmarrës e disa të tjerë si vullnetarë   kanë  dhënë   kontributin   e   tyre   në mbarëvajtjen e Qendrës.

Gjithashtu, në këtë qendër ka filluar së marri jetë Strategjia Rinore 2015-2020, strategji e cila synon përfshirjen sa më të gjërë të të rinjve dhe jo vetëm. Ndaj, do duhej shumë që këtë Qendër Rinore, t’a zgjeronim në çdo qytet të Shqipërisë – tha Ministri.

Në mbyllje, Ministri Klosi i kujtoi Zotit Veliaj edhe gjobën prej 40 milion lekësh, që Bashkia Tiranë para drejtimit të zotit Veliaj i ka vënë arbitrarisht kësaj Qendre. Duke i kërkuar atij, rishikimin e vlefshmërisë së kësaj gjobe, të cilën Mnistri Klosi e cilësoi si totalisht të padrejtë.