106-vjetori i Kongresit të Alfabetit në Manastir

Manifestimi qendror do të zhvillohet në Muzeun e Kongresit të Alfabetit në Manastir, ku do të jenë të pranishëm zyrtarët shqiptarë të qeverisë së Maqedonisë, shoqata kulturore dhe arsimore shqiptare, delegacione nga Shqipëria, Kosova, trevat e tjera dhe diaspora.

Me rastin e 22 Nëntorit kanë pasuar edhe telegrame urimi nga krerët më të lartë shtetëror si presidenti, kryeministri dhe kryetari i Parlamentit në Maqedoni, krerët e partive politike shqiptare dhe mesazhe tjera urimi.

Kjo festë është paralajmëruar të jetë tradicionale dhe sa më shumë të marrë jehonë në mbarë trevat shqiptare.

Më 14 nëntor-22 nëntor 1908, në Manastir u arrit unifikimi i alfabetit të parë të gjuhës shqipe me shkronja latine, një projekt gjithëkombëtar që kishte tubuar në Manastir, të gjitha personalitetet e mirënjohura të letërsisë dhe kulturës shqiptare.