2 miliardë lekë fondi për sigurinë ushqimore

Qeveria ka rritur fondet në mbështetje të sigurisë ushqimore për konsumatorët. Buxheti i viti 2020 adreson një total financimi në vlerën e rreth 2 miliardë lekëve, kundrejt buxhetit 1.6 miliardë lekë që ishte në vitin 2019.

Duke ju referuar shifrave zyrtare në buxhetin e vitit 2020, janë rreth 400 milionë lekë më shumë se viti aktuali, financim që do të përdoret për rritjen e sigurisë ushqimore në vend. Ndërsa 448 milionë lekë nga buxheti total 2020, janë financim i huaja, që do të adresohet kryesisht për adoptimin e standardeve përkatëse të BE-së në kuadrin normativ vendas.

Në këto vitet e fundit, Autoriteti Kombëtar i Ushqimit dhe institucionet përgjegjëse kanë rritur maksimalisht kontrollin e tregut në çdo hallkë të zinxhirit të tij duke sjellë standarde në prodhim, magazinim dhe deri tek produkti final që merr konsumatori.