2018-a e mbrapshtë e Mark Zuckenberg

2018, një vit shkatërrues për Facebook ka lënë një gjurmë të madhe në pasurinë e CEO-së dhe bashkëthemeluesit të tij, Mark Zuckerberg, i cili ka humbur miliarda dollarë. Zuckerberg e nisi vitin me rreth 75 miliardë dollarë, por, sipas Indeksit Billionaire të Bloomberg, ai kishte arritur në vlerën e 56 miliardë dollarëve këtë të Hënë. Një rënie kjo prej 19 miliardë dollarësh.

Zuckerberg zotëron 13% të aksioneve në Facebook, i cili këtë vit ka qenë i prekur nga krizat, duke përfshirë skandalin e Cambridge Analytica, akuzat për keqmenaxhim, revoltë të aksionarëve dhe pikëpyetje mbi përmbajtjen e papërshtatshme. Më 25 korrik, vlera e aksioneve të Facebook u përkeqësua me më shumë se 20% pasi kompania zbuloi fitimet zhgënjyese në tremujorin e dytë. Kjo reflektohet në rënien e lartë të vlerës neto të Zuckerberg.

Në pikën më të ulët të aksioneve, më 24 nëntor, vlera neto e Zuckerberg ishte rreth 52 miliardë dollarë. Çmimet e aksioneve të Facebook janë rikuperuar pak dhe Money parashikon që ai do të humbasë vetëm rreth 15 miliardë dollarë këtë vit.