41 foto të panjohura të Fatos Baxhakut/ Nga fëmijria, me prindërit e vëllezërit, shoqëria dhe kolegët gazetarë, udhëtimet nëpër Shqipëri, e takimet me miq e politikanë …

Memorie.al publikon 41 foto të rralla të gazetarit, historianit dhe publicistit të njohur, Fatos Baxhaku, një nga pionerët e shtypit shqiptar të pasviteve ’90-të, i cili për afro tre dekada të punës së tij në median e shkruar dhe atë vizive, dha një kontrubut të paçmuar, duke shërbyer me shumë pasion që nga reporter i thjeshtë, e deri pedagog i gazetarisë, ku me punën e tij të jashtëzakonëshme, la gjurmë të thella si: gazetar, redaktor dhe kryeredaktor në disa gazeta e revista, autor librash, skenarist, apo si drejtor informacioni në disa kanale televizive, ku për shumë kohë shërbeu edhe si autor realizes i disa dhjetra emisioneve e dokumentarëve televiziv, duke xhiruar deri në skajet më të thella të vëndit.

Me rastin e gjashtë mujorit të ndarjes së tij nga jeta, në shenjë homazhi, redaksia e Memorie.al zgjodhi për ta përkujtuar 41 foto të panjohura nga jeta e tij, duke i ndarë ato edhe miqtë dhe shokët e tij të shumtë, që Tosi i kishte si në Tiranë, ashtu dhe në fshatrat më të thella të vëndit.