5 piktura të Monet shiten plot 74 milionë euro

Shitje rekord për shtëpinë e ankandeve ”Sotheby’s” në Londër, ku vetëm pesë piktura të impresionistit të njohur francez, Claude Monet u blenë për 74 milionë euro.

Piktura më e shtrenjtë ishte ”La veduta del Canal Grande a Venezia”, që u shit për 31 milionë euro.

Sipas Helena Newman të ”Sotheby’s”, në këtë ankand morën pjesë 35 koleksionistë nga e gjithë bota, por më aktivët ishin aziatikët dhe rusët.

Në të gjithë këtë ankand u shitën vepra impresioniste, moderne dhe surealiste, për një total prej 247 milionë eurosh, rekord për tregun londinez.