Abuzoi seksualisht me 8 fëmijë, gjykata e lë të lirë

Një pedofil që abuzoi seksualisht me tetë fëmijë në rreth dy dekada, ishte në gjendje të dilte nga gjykata si një njeri i lirë. Anëtarët e familjes së viktimave të Brian Heffron mbetën të habitur, kur gjyqtari i tha abuzuesit seksual 80-vjeçar se ishte i lirë të largohej.

Heffron vuan nga çmenduria dhe është konsideruar i paaftë për t’u gjykuar, pasi u akuzua për 12 vepra kundër fëmijëve, raporton Plymouth Live.

Në një seancë të mëparshme në Gjykatën e Plymouth Crown për të përcaktuar faktet e asaj që kishte ndodhur, një juri ra dakord unanimisht se ish-punëtori i kantiereve të anijeve shfrytëzoi me forcë vajzat dhe një djalë.

Disa nga viktimat e tij ishin shumë të rinj. Dje, gjykatësi James Townsend tha se gjykata ishte “shumë e kufizuar” në mundësitë e saj.