Andi Nallbani, krijimtaria e 15 viteve në “Zeta Galeri”

Artisti, Andi Nallbani, vjen për herë të parë në Zeta Galeri me ekspozitën APNEA, një cikël punimesh tëpërzgjedhura nga krijimtaria e tij e 15 viteve të fundit, të cilat i lidh një qëndrim i veçantë i tij  përballëpyetjeve  ekzistenciale dhe ambientit ku jeton përditshmërinë e tij.

Fëmijëria, si dimension dhe raportet njerëzore, të para nëpërmjet meditimit dhe ironisë, përcillen nëpërmjet figuracioneve piktorike, herë tëgrupuara në trajtë ‘ditari’ e herë të izuluara, për të theksuar në maksimum domethënien e tyre gati ‘ikonografike’.

APNEA, mungesa e frymëmarrjes, është gjendja shpirtërore dhe fizike, e cila përjetohet nga artisti si në momentin e admirimit të një të vërtete universale që mund të të lër pa frymë,  ashtu edhe në vrojtimin e një realiteti social e kulturor ku frymëmarrja  e vërtetë shpirtërore bëhet gati e pamundur.