BBC e ironizoi për atletet, aktori: ”Të verbofsha me atletet e mia të reja”

Ҫelësi i përafrimit me BE për Ballkanin Perëndimor (BP) mbetet bashkëpunimi mes vendeve të tij dhe gjithë rajonin me BE. Forcimi i bashkëpunimit në këto dy kahje është kryefjala e Samitit për BP, që po zhvillohet në Londër.

Por veshja e kryeministrit Edi Rama tërhoqi më shumë vëmendje sesa ky Samit. BBC në një postim në Twiter, e ironizoi duke shkruar: ”Duket se dikush nuk ka marrë këpucët”.

Ironia ka vijuar edhe në Shqipëri. Aktori i njohur i humorit, Gentian Zenelaj e ironizon, ndërsa e krahason me liderin e Koresë së Veriut, Kim Jon un.

”Mirëmëngjes shoku ynë. Ja dole edhe kësaj radhe, ja more në kthesë gjithë liderëve. BBC foli për ty, të gjithë ne u morëm me ty, jam i lumtur. Besoj të tillë ngazëllim ndjen edhe një koreanoverior kur lexon në gazetë që lideri i vet ka shpikur hamburgerin, ose që flet me delfinët. E pabesueshme shoku ynë, stili “të verbofsha me atletet e mia të reja” funksionoka përsëri”, shkruan Genti në rrjetet sociale.