Bie zjarr në “Hell`s Kitchen” teksa konkurrentët ishin në gjumë

Në orët e para të mëngjesit, një zjarrfikëse është parë në studiot e reja të “Top Channel”. Mësohet se ajo është njoftuar me shpejtësi pasi në studion e “Hell’s Kitchen Albania” ka rënë zjarr.

Sipas “Top Channel” në momentin që ka rënë zjarr, konkurrentët kanë qenë në gjumë, por janë marrë masa të menjëhershme për të mos u lënduar asnjëri nga konkurrentët.

Paniku që u krijua ka qenë i madh. Pasi ka marrë vesh ngjarjen Renato Mekolli ka shkuar me urgjencë në vendngjarje dhe tani mësohet se situata është përmirësuar.