Botohet në shqip libri i Ugo Ojetti-t “Shqipëria”
Magazinë E Shtunë, 17 Prill 2021 22:40
Gjatë gjysmës së parë të shekullit që shkoi, Ugo Ojetti (lindur në Romë në vitin 1871 dhe vdekur në Firence në vitin 1946) qe një personalitet mjaft i njohur i kulturës italiane. Shkrimtar, gazetar, botues i një sërë revistash, kritik arti i njohur, ai qe autor i mjaft veprave. Nga viti 1898 deri sa vdiq U.Ojetti punoi për gazetën më të madhe italiane Corriere della sera, ku qe përgjegjës për faqet e saj kulturore, ndërsa në vitet 1926-27 u bë dhe drejtor i saj. Në vitin 1930 Ugo Ojetti bëhet gjithashtu anëtar i Akademisë Italiane.
Botuar në vitin 1902, libri i tij me përshtypje nga udhëtimi nga Shqipëria (ende pjesë e Perandorisë Osmane), na jep një tablo të gjallë e mjaft interesante të Shqipërisë së kohës, çka e bën atë një ndër veprat më të rëndësishme të literaturës italiane kushtuar Shqipërisë.
Udhëtim në Shqipërinë e vitit 1902
Autori: Ugo Ojetti
Titulli: Shqipëria – Udhëtim në Shqipërinë e vitit 1902
Perktheu: Virgjil Muci
Numri i faqeve: 156 fq
Çmimi: 600 leke
Botues: Botimet IDK
ISBN: 978-9928-136-27-5
