Burri i bën të njëjtën dhuratë gruas për 40 vite rresht (FOTO)

”Dashuria dhe qielli e bëjnë njeriun qiellor”, kështu nënvizon Shekspiri në një prej kryeveprave të tij. Baza e kësaj shprehje duket se është mishëruar edhe tek një çift që frymëzojnë me historinë e tyre të ëmbël.

Ron Kramer është një 77-vjeçar në pension nga New Mexico. Mësohet se ai i ka bërë dhuratë bashkëshortes të njëjtën kuti çokollatash për Shën Valentin prej 40-vjetësh.

Ai thotë në një intervistë se nuk ble të njëjtat çokollata për Donna-n nga i njëjti dyqan, por ai, në të vërtetë përdor të njëjtën kuti në formë zemre. Ron shprehet se kjo kuti është e preferuara e gruas së tij prej viteve ’70.

Që nga viti 2014, kur u diagnostikua me dementia Donna jeton në ambientet e një qendre sociale. Ajo i ka mbijetuar dy goditjeve të forta të kancerit të gjirit. Edhe pse jetojnë larg, Ron mbledh çokollatat e preferuara të Donna-s dhe ja çon.

“Kam bërë një premtim dhe kështu do të jetë deri në fund të jetës sonë”,-tha Ron në një video për mediat lokale. ”Kam qenë dhe do të jem me të, nuk do ta lë kurrë”.