Çfarë tregojnë tiparet e fytyrës për ju

Ka disa fakte që thonë se ekziston një lidhje midis tipareve tona të fytyrës dhe atyre të personalitetit. Nëse keni një hundë të vogël ose një fytyrë të gjerë, nuk ka të bëjë vetëm me gjenetikën. Këto janë disa nga përfundimet më interesante nga studiuesit.

Sa më e gjerë të jetë fytyra, aq më shumë testosteron keni.

Sa më të gjera të jenë mollëzat, aq më shumë ka të ngjarë të jeni pohues, madje edhe agresivë, sipas shkencës. Sigurisht, nëse jeni me fytyrë të plotë, nuk do të thotë se jeni të rrezikshëm dhe agresiv. Këta njerëz mund të kenë më shumë gjasa t’i përgjigjen një konflikti, në vend që ta injorojnë atë.

Sa më e hollë të jetë fytyra, aq më pak do të vuani nga infeksionet:

Shkencëtarët kanë zbuluar se sa më pak yndyrë të keni në faqe, aq më pak të rënda janë sëmundjet tuaja dhe aq më pak stresoheni. Kjo mund të lidhet me gjendjen tuaj të përgjithshme, sepse, përgjithësisht, njerëzit aktivë kanë më pak yndyrë në fytyrën e tyre dhe janë më të lumtur.

Hunda e gjatë nuk ju bën gënjeshtar, por më ambicioz:

Studiuesi Abraham Tamir ka vërejtur se njerëzit me hundë të gjatë mund të jenë shumë ambiciozë, të kenë instinkte të mira dhe të priren të jenë udhëheqës.

Njerëzit me vetulla të larta priren të jenë më të pëlqyeshëm:

Në bazë të një studimi u vu re se njerëzit më të pëlqyeshëm kishin tendencë të kishin vetulla më të larta dhe ballë më të vogël. Studiuesit vunë re se ata që kishin të njëjtat nivele pëlqyeshmërie, kishin fytyra të ngjashme.

Sa më e shkurtër të jetë hunda, aq më të ndjeshëm jeni:

Gjatë një studimi me 1 793 fotografi, studiuesit vunë re se njerëzit me hundë të shkurtër e kishin më të lehtë për të treguar anën e tyre të ndjeshme. Gjithashtu , ata priren të jenë më të dashur se të tjerët. /abcnews.al