Covid-Nga Berlini në Paris, ja si po përgatiten pë t’u kthyer në shkollë

Shkollat ​​evropiane po përpiqen të rikthehen në rrugën e duhur pas muajsh të mbylljes për shkak të pandemisë. Midis gushtit dhe shtatorit, shumica e institucioneve duhet të kthehen në normalitet. Qeveritë po punojnë për të vendosur se çfarë protokolle sigurie do të vendosin.

Gjermani, kthim gradual dhe mësime në ditë alternative

Gjermania tashmë ka filluar prej disa javësh një kthim gradual në shkollë, megjithëse me kohë dhe metoda të ndryshme në 16 shtete. Klasat shpesh ndahen në dy pjesë dhe nxënësit alternojnë mësimdhënien me ditë dhe jo me kohë të plotë. Nxënësit monitorohen për mbajtjen e maskave, distancën fizike dhe higjienën personale. Qeveria ka përcaktuar që shkollat ​​në të gjithë Gjermaninë do të duhet të rihapen dhe rifillojnë funksionimin normal në fund të pushimeve verore. Sidoqoftë, shumë drejtues dhe prindër kanë protestuar sepse rregullat janë ende të paqarta dhe disa dispozita siç është detyrimi për të ruajtur distancën prej 1.5 metrash nuk konsiderohen realiste.

Mbretëria e Bashkuar, pasiguri për t’u rikthyer në shkollë

Shkollat ​​britanike pritet të rihapen në shtator, “në rastin më të mirë” – paralajmëroi Ministri i Shëndetësisë Matt Hancock. Por viti i ardhshëm shkollor do të jetë i ndryshëm nga normaliteti i së kaluarës. Planet nën studim, ende të pa miratuara përfundimisht, parashikojnë: hyrjen dhe daljen nga shkolla në mwnyrw indivifduale dhe jo nw grupe, dyert dhe dritaret e klasave do qwndrojnw tw hapura, jo më shumë se 15 studentë për njw klasë, distance fizike prej dy metrash, larje e shpeshtw e duarve, jo grumbullim I prindwrve para shkollws.

Spanjë, kush ka dëshirë mund të shkojë në shkollë

Fëmijët në Spanjë filluan pjesërisht të kthehen në shkollë në fund të majit, por frekuentimi është vullnetar dhe varet nga vendimet e secilit prej 17 rajoneve autonome. Kthimi në një normal të ri është caktuar për në Shtator.

Për momentin, Ministria e Arsimit ka përgatitur një dokument me masat e sigurisë. Para se të largohen nga shtëpia, studentët duhet të matin temperaturën dhe duhet të shkojnë në shkolla në periudha të ndryshme kohore për të shmangur tubimet. Ministria rekomandon përdorimin e biçikletës dhe prindërit për të qëndruar larg hyrjes së shkollave. Klasat duhet të kenë një maksimum prej 15 studentësh, të cilët do të duhet të mbajnë distancën e tyre, të veshin maskën kur hyjnë në shkollë dhe vetëm pasi të kenë larë duart.