Daçiç një showman i vërtetë, thyen pjatat ndërsa i këndon homologut grek Kotzias

Kryediplomati serb, Ivica Daçiç, sikurse na është  bërë zakon t’a shohim, gjatë darkës e ka përshëndetur homologun grek Nikos Kotzias edhe nëpërmjet muzikës, duke kënduar një këngë greke.

Në videon e publikuar në mediat serbe, Daçiç shihet teksa thyen pjatat në një moment duke i kënduar Kotzias, ndersa edhe ky i fundit i bashkohet here pas here ne duet.

Vizita e Kotzias në Serbi erdhi në një kohë kur Athina ka nisur një proces për të zgjidhur mosmarrëveshjet e saj me vendet ballkanike, përfshirë Shqipërinë dhe Maqedoninë.

Ministri i Jashtëm grek, Nikos Kotzias, deklaroi në Beograd se Athina nuk do t’a ndryshojë qëndrimin e saj për Kosovën dhe se nuk do t’a njohë pavarësinë.