Daily Mail pasqyron koncertin e Rita Orës në Tiranë

Gazeta britanike ‘Dailymail’ i ka kushtuar një shkrim të vecantë performancës dhe paraqitjes së Rita Orës në kryeqytetin shqiptar.

“Rita Ora, 27 vjec mahniti turmën kur u shfaq me flokë të kuqe dhe me një kostum të verdhë në Shqipëri. Këngëtarja kosovaro-britanike hoqi copën e verdhë për të nxjerrë format e përsosura për koncertin në kryeqytetin e Tiranës. Veshja e saj theksoi belin e hollë dhe këmbët, ndërsa drejtonte skenën me lëvizjet e saj të kërcimit. Ylli i “Hot Right Now” dha maksimumin e saj në skenë, ndërsa performoi disa prej hiteve të saj në turmën entuziaste”, shkruajti e përditshmja britanike.

Kujtojmë se gjatë performancës, Rita Ora tha se zgjodhi të kuqen për flokët pasi po vjen në Shqipëri dhe kjo ngjyrë simbolizon vendin tonë.