Dalin në ankand këpucët e famshme të Michael Jackson
Këpucët e famshme të Michael Jackson që përdorte për të performuar në skenë do të dalin në ankand.
Mbreti i popit i veshi këpucët për herë të parë ndërsa realizonte kërcimin e tij karakteristik gjatë performancës së parë të “Billie Jean” për “Motown 25” TV në vitin 1983.
Këpucët shënuan momentin e parë kur këngëtari performoi në skenë lëvizjen e famshme ‘moonëalk’ duke ‘rrëshqitur’ në skenë.
“Çdo gjë që lidhet me Michael Jackson është e jashtëzakonshme dhe të kesh diçka kaq historike si këpucët e Michael kur ai bëri lëzivjen e famshme ‘moonwalk’ është përtej speciales,”-tha Brigitte Kruse, pronarja e GWS.
Vlerësimi i parë për këpucët është 10.000 dollarë.
Deri tani këpucët kanë qenë në pronësi të koreografit dhe balerinit Lester Wilson.