Deklarimi dhe pagesa e kontributeve të sigurimeve shoqërore e shëndetësore – DPT: Ja kur është afati i fundit

Drejtoria e Përgjithshme e Tatimeve ka njoftuar ditën  e sotme se afati i fundit i deklarimit dhe pagesës së kontributeve të sigurimeve shoqërore dhe shëndetësore do të jetë data 20 Dhjetor.

Kjo datë vlen si limit edhe për detyrimet e Tatimit mbi të Ardhurat nga Punësimi për periudhën Nëntor 2019, sipas DPT.

Për çdo paqartësi në përmbushjen e këtij detyrimi ligjor, qytetarët mund të drejtohen në sportelet e Shërbimit të Tatimpaguesve ose në Qendrën e Thirrjeve përmes numrit të gjelbër 0800 00 02.