Deri më tani qeveria ka 20 miliardë lekë për rindërtimin

Drejtuesi Qendror i Operacionit për Menaxhimin e Fatkeqësisë Natyrore, Bledi Çuçi, njëkohësisht ministër i Bujqësisë dhe Zhvillimit Rural informoi sot se deri më tani qeveria ka 20 miliardë lekë për rindërtimin pas tërmetit tragjik të 26 nëntorit. 13 miliardë nga buxheti i shtetit dhe 7 nga donatorët. “Në lidhje me shkollat, kemi vlerësim paraprak të dëmit rreth 3 miliardë lekë. Nxënësit që frekuentonin shkollat që janë dëmtuar rëndë, janë sistemuar në shkolla të tjera dhe mësimi ka rifilluar rregullisht. Nuk kemi faturë përfundimtare të dëmeve. Programi i rimëkëmbjes kërkon burime të mëdha financiare. Deri më sot janë në dispozicion 20 miliardë lekë”, tha Çuçi.