Deutsche Bank: Ja 51 qytete ku mund të pushoni gjatë fundjavës në mënyrë ekonomike
Udhëtimet gjithmonë janë një mënyrë e mirë, për t’u shkëputur nga përditshmëria dhe për të marrë energji të reja. Madje shkencëtarët, kanë zbuluar se udhëtimet jo vetëm që shtojnë produktivitetin por gjithashtu rrisin dhe jetëgjatësinë. Në vitin 2010, psikologët zbuluan se individët të cilët shfrytëzonin dhe fundjavat, përpos pushimeve të tyre vjetore, ishin më të lumtur.
Deutsche Bank, ka analizuar koston e një pushimi gjatë fundjavës në 51 qytete të botës, duke përcaktuar qartë cilat janë vendet më të shtrenjta dhe ato më të lirat. Analiza u bazua në çmimin e dy netëve në një hotel me pesë yje, ushqimin për drekën dhe darkën, pijet gjatë ditës, si dhe një makinë me qira për dy ditë. Kjo analizë nuk përfshin kostot e fluturimit.
Stambolli, në Turqi është emëruar si destinacioni ideal për të udhëtuar gjatë fundjavës, ku Deutsche Bank zbuloi se një fundjavë në qytet do të kushtonte 711 dollarë – kjo është më pak se gjysma e kostos së shpenzimit të një fundjave në New York City. Qyteti turk është një shkrirje mes kulturës Lindore dhe asaj Perëndimore, nga muzetë e artit deri tek xhamitë osmane. Sipas Lonely Planet, koha më e mirë për t’u vizituar është në pranverë apo vjeshtë.
10 destinacionet më të lira për një udhëtim gjatë fundjavës
Stamboll, Turqi- ku një fundjavë kushton 711 dollarë
Kuala Lumpur, Malajzi – ku një fundjavë kushton 754 dollarë
Johannesburg, Afrika e Jugut – ku një fundjavë kushton 768 dollarë
Manila, Filipine- ku një fundjavë kushton 779 dollarë
Lagos, Nigeri- ku një fundjavë kushton 840 dollarë
Bangalore, Indi – ku një fundjavë kushton 846 dollarë
New Delhi- India- ku një fundjavë kushton 864 dollarë
Mumbai, India- ku një fundjavë kushton 900 dollarë
Rio de Janeiro, Brazil- ku një fundjavë kushton 900 dollarë
Lisbonë, Portugalia- ku një fundjavë kushton 960 dollarë
Ndërsa, në anën tjetër, qyteti italian, Milano u emërua si destinacioni më i shtrenjtë. Një fundjavë në Milano do të kushtonte 2.706 dollarë sipas Deutsche Bank, duke e bërë atë 66% më të shtrenjtë se një pushim në fundjavë në New York.
10 destinacionet më të shtrenjta për të pushuar gjatë fundjavës
Itali, Milano- ku një fundjavë kushton 2,706 dollarë
Kopenhagen, Danimarkë- ku një fundjavë kushton 2.120 dollarë
Cyrih, Zvicër- ku një fundjavë kushton dollarë 2,104
Madrid, Spanjë- ku një fundjavë kushton 2,085 dollarë
Vjenë, Austri- ku një fundjavë kushton 2,067 dollarë
London, Mbretëri e Bashkuar- ku një fundjavë kushton 2,049 dollarë
Romë, Itali- ku një fundjavë kushton 1926 dollarë
Kajro, Egjipt -ku një fundjavë kushton: 1911 dollarë
Oslo, Norvegji -ku një fundjavë kushton 1,878 dollarë
Paris, Francë- ku një fundjavë kushton: 1.799 dollarë