“Do i bëjmë të pasur 50 miqtë tanë dhe ata nuk e dinë”

Një çift nga Irlanda e Veriut fitoi plot 115 milionë sterlina në lotari.

Ata thanë se kanë ndërmend që të bëjnë të pasur 50 shokët dhe familjarët e tyre- dhe se këta të fundit as nuk e dinë diçka të tillë.

Frances dhe Patrick Connolly fillimisht menduan se ishte një mashtrim.

Por më pas festuan me një filxhan çaj fitoren e madhe.

Ata nuk zbuluan se sa do marrin miqtë e familjarët e tyre, por thanë se do jetë një copë nga shuma e madhe.

Mësuesja e dalë në pension dhe biznesnemi thanë se tani do të shkruajnë listën.

Gjëja e parë që do bëjnë pastaj do jetë blerja e një shtëpie të re dhe një makine Alfa Romeo.

Çifti ka tre fëmijë dhe janë gjyshër.