Ed Sheeran “burgoset” në shtëpinë e tij

Ed Sheeran po planifikon të instalojë kangjella jashtë shtëpisë së tij në Londër, për të ndihmuar në forcimin e sigurisë jashtë pronës së tij me katër dhoma gjumi. Kërkesa e këngëtarit 27-vjeçar është të “parandalojë mundësitë për të pastrehët që të flenë jashtë shtëpisë së tij, e cila ka vlerën tetë milionë paund. Për sqarimin e këtij vendimi të këngëtarit, zëdhënësi i Sheeran tha: “Ky është një aplikim i planifikimit standard, i cili nuk është shkruar nga Ed dhe nuk reflekton pikëpamjet apo ndjenjat e tij për të pastrehët”.