Elegji për Albert Verrinë

Dy ditë më parë u nda nga jeta aktori Albert Vërria. Poeti Përparim Hysi ka kushtuar disa vargje mikut të tij dhe aktorit të dashur për gjithë shqiptarët. Më poshtë mund të lexoni tekstin.

Nga Përparim  Hysi

     1.

Lajmi i rëndë, buzën na qepi

Krejt, papritur, shkoi Alberti!

Shkoi e iku KAPEDANI

Iku zemëroqeani.

     2

Ky, fieraku, nga "Vlora"

Në gjithë rolet ia bën fora

Më shumë role se sa jetë

Por në role ishte Mbret!

      3

I tilë ish ai në skenë

Që i ri, u kthye legjendë!

Sa serioz për të detyra

Sikur kish "njëmijë fytyra?!"

      4

Se i jepte rolit shpirt

Nëpër natë seç sillte dritë

Që i ri,seç luante plakun

Po me rol zinte "buxhakun"

      5

Nëpër role as që njihej

Se në role ai "fshihej"

Herë na bënte për të qeshur

Nëpër rol duke "përqeshur".

       6

Bert i dashur, si ia dole

Mbi njëqind e ca role

Dhe ti haje bukë veçan

Të mbetë"nofka" KAPEDAN!

      7

Kapedan apo Soll Lili?

Kaporal Pelegrini

Jo,kështu nuk vazhdoj

Se të gjithë dot s' i numëroj.

      8

Tek shfletoj tëndin"Album"

Nëpër role zë e humb

Se më humb, o mik, mendimi

Aq i madh është pikëllimi.

      9

Tani ike. Jo. S'ke ikur

Dua ta zbutë lajmin e hidhur

Përmend role që pas mbesin

Se Artistët kurrë nuk vdesin.

      10

Ti dyfish do mbetesh gjallë

Se je shquar dhe si shkrimtar

Katër libra që botove

Me to vdekjen e dëbove.

      11

Prehu i qetë, o miku im!

Ti je NDER për SHQIPËRINË.

Tek e mbyll, nuk ndihem mirë

S'të them dot:- Lamtumirë!

Tiranë, 18 gusht 2015