Elhaida Dani: Ja konkurenti që më tremb më shumë

Elhaida Dani ka qënë e ftuara speciale në emisionin MAD Day me Fatmën.

Këngëtarja e njohur ka rrëfyer disa sekrete dhe u duk qartë se kaloi një kohë shumë të këndshme.

E pyetur nga Fatma se çfarë do të veshë në skenën e madhe të Eurovision-it, Elhaida tha se ende nuk e di por një gjë është e sigurt; Asnjë motiv shqiptar. Ajo thotë se kënga e saj e preferuar është ajo e Italisë me titull “Grande Amore”

Elhaida ne MAD Day pohoi se me raste i pëlqen të rrijë vetëm. Edhe pse të gjithë ju mund të mendoni se në vetminë e saj ajo këndon kjo nuk është e vërtetë.

Elhaida thotë se momentet e saj me veten janë tepër intime dhe nuk përfshihet asgjë përveçse mendimet e saj dhe planet për të ardhmen. Kjo ishte intervista e fundit per Elhaidën ne MAD Day përpara se të niset për eventin e madh “Eurovision”.

Ajo gjithashtu tha se do të këndojë në një koncert në Venezia të Italisë në datën 8 Maj e më pas do të niset në 11 Maj për në Vienë.

Klipi i këngës “I’m Alive” ka përfunduar dhe Elhaida tha se është duke u përgatitur version në gjuhën italiane dhe ai akustik. Por version me interesant ishte ai qe ajo performoi ekskluzivisht per MAD Day: https://youtu.be/uAf7pCvYZcg

Gjithashtu ajo tregon se xhirimet e këtij klipi janë bërë në Tiranë dhe kanë zgjatur 5 ditë. Produksioni i gjithë momenteve në backstage është realizuar nga MAD Tv dhe ju mund ta shihni ketu: https://youtu.be/P8qDJwutwEY

Ky material do të transmetohet edhe në kanalin zyrtar të Eurovision në YouTube. Këngëtarja thotë se ndihet vërtet e lodhur dhe nuk ka kohë për gjumë por do të mbledhë forcat dhe do të shkëlqejë në Eurovision pasi thotë se synon finalen. (Marrë nga mad.al)