Festivali i Këngës 2014 në RTSH shpall 28 artistët, Elhaida Dani favorite, Kozma Dushi “nostalgjik”

Magazinë E Enjte, 30 Tetor 2014 00:00

Juria dhe stafi kanë përzgjedhur 28 këngëtarët finalistë, që do të marrin pjesë në Festivalin e Këngës 2014, mes të cilëve është edhe një emër i njohur ndër vite, Kozma Dushi. Në konkurrim, mes emrave më të spikatur është Elhaida Dani, e cila fitoi pak kohë më parë “The Voice of Italy”. Kjo e fundit konsiderohet që tani si favorite për të fituar Festivalin e Këngës 2014, me qëllim që t’i hapet rruga për të përfaqësuar Shqipërinë vitin që vjen në Festivalin Europian të Këngës, “EuroSong”. Vajza shqiptare që çuditi dy vjet më parë Italinë, Elhaida Dani, vështirë se mund të ketë konkurrentë në garën e fundvitit. Këtij festivali i ka mbetur në fakt thjesht nostalgjia e viteve të kaluara, pasi më tepër rëndësi edhe për vetë këngëtarët është mundësia që të krijon për të marrë pjesë në Eurosong, festival do të mbahet në Vjenë, vitin që vjen. Sakaq, Festivali i radhës i Këngës në RTSH do të mbahet nga datat 26, 27 dhe 28 dhjetor.

Pjesëmarrësit:

Jozefina Simoni

Gjergj Leka

Marsela Cibukaj

Lindita Halimi

Rozarta Smaja

Mjellma Berisha

Revola Klan

Julian Gjojdeshi

Erga Halilaj

Kozma Dushi

Xhejn & Enxhi Kumrija