Fillon “gjuetia” e biletave dhe paketave turistike për festën – Ja cilat janë linjat që do kenë më shumë oferta!

Fillon zyrtarisht numërimi për të Premten e Zezë 2019 (Black Friday), e cila do të zhvillohet të Premten e ardhshme më 29 Nëntor. Në disa raste, që nga sot, 22 nëntor, fillon edhe ‘Java e Zezë’ e cila do të shoqërojë klientët deri në të Premten e Zezë, dhe ndër të tjera mes gjërave për të përgatitur mund të jetë edhe valixhja juaj.

Përveç ofertave dhe promocioneve më klasike që mund të gjenden në faqet e e-commerce, në dyqanet e mëdha, qendra komerciale ose në zinxhirët e shitësve me shumicë të teknologjisë, ekzistojnë ndodhen edhe shumë kompani ajrore dhe motorë kërkimi të udhëtimit, të cilët kanë filluar të ofrojnë fluturime me zbritje në faqet e tyre dhe promocione të integruara.

Ja disa prej tyre:

Ryanair

Linja ajrore irlandeze Ryanair, për shembull, për këtë të Premte të Zezë ofron një përzgjedhje të destinacioneve në të gjithë Europën me çmime që variojnë nga 4,54 deri në 9,99 euro vetëm për biletën, duke përjashtuar shtesën për bagazh dore, dhe për ditë të paracaktuara tashmë. Promovime të mëtejshme me siguri do të vihen në dispozicion në faqe gjatë javës tjetër dhe të Premten 29.

British Airways

Kompania britanike British Airways nuk ka njoftuar ende ofertat që synon të ofrojë për klientët, por sigurisht që do të propozojë fluturime me zbritje nga ditët në vijim për të kulmuar me ofertat e të Premtes së Zezë.

Norvegian

Linja ajrore me kosto të ulët norvegjeze Norvegian tashmë ka krijuar një faqe të veçantë në faqen e saj në internet në të cilën në ditët e ardhshme do të propozojë zgjedhjet e saj të udhëtimit me një çmim të zbritur.

Momondo

Përveç linjave ajrore individuale, megjithatë, motori i kërkimit të udhëtimit Momondo gjithashtu ofron një përzgjedhje të gjerë të fluturimeve drejt destinacioneve të ndryshme duke filluar nga 20 euro dhe gjithashtu ofron paketa që përfshijnë qëndrime hoteliere, gjithnjë me një çmim të zbritur. Për më tepër, ajo shpall promovime të mëtejshme gjatë ditës së 29 nëntorit.

eDreams

Portali eDreams, i cili grumbullon kërkime në linja të ndryshme ajrore dhe ofron paketash udhëtimesh, gjithashtu ka filluar numërimin për ofertat që do të ofrohen në faqe të Premten e Zezë.

Volagratis

Sa i përket portalit Volagratis, promovimet dhe zbritjet me siguri do të fillojnë nga e hëna 25 nëntor dhe do të vazhdojnë deri të Premten, duke ofruar një përzgjedhje të fluturimeve dhe madje edhe paketave gjithëpërfshirëse.

Material i përgatitur nga portali SCAN