FOTO/ Shikoni si është transformuar ky fshat pas “zhdukjes” së njerëzimit

Imazhet e pabesueshme tregojnë “fshatin e fantazmave” në Kinë, të pushtuar tërësisht nga bimët pasi të gjithë banorët e fshatit të vogël janë larguar për të gjetur punë në qytete të ndryshme.

Fshati Houtouwan në ishullin e Shengshan, në lindje të Shangait, dikur ishte një bashkësi e lulëzuar ku njerëzit kryesisht merreshin me peshkim.

Megjithatë, fshati u braktis në vitet 1990 ndërsa familjet u shpërngulën për perspektiva më të mira.

Tani fshati i mëparshëm është i mbuluar me gjelbërim të harlisur, duke tërhequr turistë të shumtë.

Rreth 900,000 fshatra në të gjithë Kinën janë braktisur ose shkatërruar që nga viti 2000 për shkak të urbanizimit.