Fotografia e bukur e reve të bardha

Nuk është një imazh nga një film fantastiko shkencor, por foto reale e realizuar mëngjesin e kësaj të diele në Piazza San Babila , në qendër të Milanos.

Një grumbull i pazakontë resh në qiellin blu të pastër.

Imazhe të ngjashme u postuan në mediat sociale në kohë reale nga dhjetëra njerëz në të gjithë qytetin, të mahnitur nga forma e pazakontë e reve që mbërrinin mbi kryeqytet.

Pas dy ditësh shiu, qielli gri dhe motit afër vjeshtës, mbase askush nuk do të priste të shihte një pamje të tillë . Pasi u gjet perspektiva e duhur, “efekti i Armagedonit” erdhi vetvetiu. Asgjë për tu frikësuar megjithatë.

Disa çaste më vonë, Milano ishte në gjendje të vazhdonte të shijonte një të dielë të shkëlqyeshme me diell , “bishti i fundit” i një vere, e cila, siç tregojnë temperaturat e ditëve të fundit, ngadalë po i lëshon vendin sezonit të ri.