”Gishtin e mesit politikanëve”
“Gishtin e mesit”, apo çdo gjest tjetër ofendues ndaj politikanëve, është e drejtë e qytetarëve. Kjo nuk ndodh në çdo vend, pasi ka ndëshkime, por të paktën në Austri mund ti drejtosh gishtin e mesit politikanëve.
Një gjykatë austriake rrëzoi padinë e udhëheqësit të ekstremistëve të djathtë, Heinz-Cristian Strache, i cili paditi një grup aktivistësh të majtë për ”ofendim publik”. Padia u bë pasi grupi në fjalë postoi në rrjetet sociale një video ku sulmonin atë dhe qëndrimet e forcës së tij politike.
”E drejta për të provokuar dhe shprehur mendimin politik është një e drejtë themelore e lirisë së shprehjes”, argumentoi gjykata në vendimin e saj. Grupimi “E majta tani” (Linkswende Jetzt) publikoi në rrjetet sociale një video ku, sipas aktivistëve renditen një sërë arsyesh se përse i duhej treguar “gishti i mesit” Straches.
