“Hipopotami Misterioz”, nesër premierë në Teatrin e Kukullave

Teatri i Kukullave në Tiranë ngriti siparin e tij më 6 dhjetor të vitit 1950, kur u shfaq premiera e parë “Fatbardha”, e shkrimtarit sovjetik Shnejder.
Ditën e nesërme, me rastin e me rastin e 65-vjetorit të Teatrit të Kukullave në Tiranë janë parashikuar disa aktivitete.
Ceremonia hapëse do të zhvillohet nën kujdesin e Ministres së Kulturës së Shqipërisë, Mirela Kumbaro.  Aktiviteti do të mbahet më datë 6 dhjetor, të dielën, në orën 18:00 në Teatrin e Kukullave. Pas fjalëve përshëndetëse dhe pas ceremonisë solemne të dekorimit të aktorëve të merituar të këtij teatri, do të zhvillohet shfaqja e premierës "Hipopotami Misterioz" të regjisorit rus Vladimir Berkun. Kjo premierë e bukur për fëmijë vjen enkas për përvjetorin e Teatrit të Kukullave. Z. Berkun i ardhur në Tiranë me ftesë të palës shqiptare është regjisor i teatrit të kukullave ndër më të mirët në botë – të Teatrit Qendror Akademik të Kukullave "Sergej Obrazcov" (Moskë).