Historia, “Royal Air Force” mbush 100 vjeç në Britani (Foto)

I themeluar në 1 prill 1918, aeronautika ushtarake e Madhërisë së Saj, ka qenë protagoniste para së gjithash në priudhën e Luftës së Dytë Botërore

Një shekull në qiej: kanë kaluar 100 vjet që kur më 1 prill 1918, qeveria britanike themeloi “Royal Air Force”.

Që atëherë, aeronautika ushtarake e Madhërisë së saj, është bërë protagoniste e arritjeve të mbetura në histori, para së gjithash në periudhën e Luftës së Dytë Botërore.

E themeluar pas fundit të Luftës së Ftohtë nga shpërbërja e Royal Flying Corps e Royal Naval Air Service, “Raf”, ka qenë forca e parë ajrore me dimensione domethënëse që u bë e pavarur nga kontrolli i ushtrisë dhe i marinës.

“Raf” përjetoi një zgjerim të shpejtë në pjesën e dytë të viteve tridhjetë. Në fillim të viteve ’40, forcat ajrore të Shteteve të Komonuelthit formuan dhe trajnuan një skuadrone, e vënë më pas nën kontrollin e Forcave Ajrore Mbretërore. Në radhët e saj pati shumë të dëbuar nga vendet e pushtuara evropiane.

Në Betejën e Britanisë, në fund të verës së vitit 1940, RAF mbrojti qiellin e Britanisë kundër “Luftwaffe” gjermane, duke ndihmuar për të penguar planet e Hitlerit për pushtimin e Britanisë. “Asnjëherë në fushën e konflikteve njerëzore kishte aq shumë forca për kaq pak gjë…”, tha kryeministri Winston Churchill në një fjalim të famshëm në Dhomën e Komunave, 20 gusht, 1940.

Më shumë se veprimi i mbrojtjes për atdheun, RAF bërë përpjekjet e saj më të mëdha në fushatën e bombardimeve kundër Gjermanisë, të zbatuara nga Komanda e Bombarduesve. Sulmet britanike, të nisura që nga ditët e para të konfliktit, u bënë gjithnjë e më shkatërruese nga 1942 së bashku me rritjen e disponueshmërisë së teknologjive të reja.

Gjatë viteve të Luftës së Ftohtë, roli kryesor i Forcave Ajrore Mbretërore ishte për të mbrojtur kontinentin kundër sulmit të mundshëm nga Bashkimi Sovjetik. Më pas, forca ajrore britanike ishte e angazhuar në operacionet në shkallë të gjerë, të tilla si Lufta në Ishujt Falklands kundër Argjentinës, konfliktit të Kosovës, pushtimit të Afganistanit në vitin 2001 dhe pushtimit të Irakut në vitin 2003.