I nxehti afrikan/ Ja kur pritet që temperaturat të nisin uljen

Teksa prej më shumë se një jave i nxehti afrikan ka “pushtuar” Ballkanin dhe një pjesë të madhe të europës, sinoptikanët paralajmërojnë se duke nisur nga e hëna do të kemi një rënie të temperaturave.

Sipas mediave greke temperaturat do të kenë një luhatje nga 23 deri në 36 gradë. Në shumë zona priten rrebeshe shiu çka do të sjellë një rënie graduale të temperaturave.

Këtë javë edhe në Shqipëri temperaturat kanë shënuar rekorde deri në 40 gradë, ndërsa parashikohet që duke nisur nga e hëna temperaturat të ulen me disa gradë. Ky i nxehtë ka ardhur si pasojë e shpërndarjes së një reje të madhe afrikane në qiellin e Europës deri në Rusi.