ICITAP i dhuron 450 libra Bibliotekës së Akademisë së Sigurisë

ICITAP-i i dhuroi sot 450 libra Bibliotekës së Akademisë së Sigurisë në Tiranë. Librat janë dhuruar nga Drejtori i Programit ICITAP Steve Bennett, në prani të stafit të Akademisë së Sigurisë dhe të një grupi kursantësh që zhvillojnë teorinë për Patrullë të Përgjithshme. Drejtori i Akademisë së Sigurisë, Bilbil Mema, ka falënderuar zotin Steve për dhurimin e librave për bibliotekën, duke e pasuruar më tej këtë bibliotekë, e cila së fundi është rikonstruktuar duke u kthyer vërtet në një sallë leximi për të gjithë punonjësit e policisë së Shtetit.

ICITAP i dhuron 450 libra, Bibliotekës së Akademisë së Sigurisë (1)Njëkohësisht, Mema vlerësoi kontributin dhe mbështetjen në vijimësi të dhënë nga programi ICITAP dhe në veçanti nga këshilltarja e ICITAP pranë Akademisë së Sigurisë.

Steve Bennett vlerësoi bashkëpunimin e deritanishëm mes Akademisë së Sigurisë dhe ICITAP, si dhe faktin që Biblioteka është vendosur në parametrat që kërkon koha, për të qenë vërtet një sallë shlodhëse, edukative dhe për zgjerim njohurish.