Katër kandidatë për AMA

Nënkryetari i Komisionit, Alfred Peza bëri me dije se pas seancës dëgjimore me 4 kandidatët e përzgjedhur për kryetar të AMA-s, sipas procedurave ligjore në përfundim të procesit do t’i dërgohen seancës plenare nga ku do të votohet për të zgjedhur kryetarin e ri të AMA-s.

“Në këtë mënyrë do t’i japim fund një ngërçi disavjeçar institucional në drejtimin e AMA-s. Nga ana tjetër ky është momenti për t’iu njoftuar se pas këtij procesi do të fillojmë me procesin e përzgjedhje të anëtarëve të rinj të Këshillit Drejtues të Radio-Televizionit Shqiptar, kryetarit të ri të këtij këshilli dhe më pas do të procedohet me zgjedhjen drejtorit të ri të RTSH-së”, tha z. Peza.

Seanca dëgjimore nisi me kandidatin, Gentian Sala, i cili tha se puna e tij do të mbështetet në 4 kolona: ligji për autoritetin e mediave, qartësia në zbatimin e strategjisë, zbatimi i ligjit në këtë fushë, si dhe niveli i kualifikimit të stafit të AMA-s. Z. Sala gjatë seancës tha se ka eksperiencë në fushën e jurisprudencës dhe të biznesit.

“Nëse përzgjidhem si kryetar i AMA-s, do kërkoj verifikimin dhe zbatimin e plotë të kontratave të gazetarëve. Liria e medias nuk është çështje abstrakte. Një nga problemet kryesore është Radio Televizioni Publik. Ku ka shumë ankesa nga qytetarët”, tha z. Sala, i cili shtoi se sa i përket piraterisë dhe mosrespektimit të së drejtës së pronës intelektuale, problemi në këtë çështje mbetet tek institucioni monitorues, dhe jo te operatorët.

Kandidati tjetër, z. Gentian Skënderaj në prezantimin u ndal te mënyra e funksionit të AMA-s. Sipas z. Skënderajt mosfunksionimi i AMA-s ka ndikuar në tregun mediatik. “Kalimi nga sistemi analog në atë numerik duhet të kryhet sa më shpejt sipas afateve. Nuk do të tolerojmë fenomenin e piraterisë dhe do të ndalojmë transmetimet pirate veçanërisht për kabllorë”.

Gjithashtu Kandidatit Skënderaj evidentoi problemet e etikës nëpër televizione, përdorimin jo të saktë të gjuhës shqipe, mungesën e etikës në reklama. “Për shkak të mungesës së funksionimit të AMA-s, nuk është krijuar Këshilli i Ankesave, i cili është i domosdoshëm. Edhe përfaqësimi i shtresës së personave me aftësi të kufizuara ka qenë jashtë vëmendjes dhe do duhet të ketë hapësirën e vet në media. Sa i përket të miturve, ka probleme, si me etikën, dhunën etj., që ndikojnë tek fëmijët. Në këshillimet me operatorët do të trajtohet temat për shmangien e dhunës në emisionet e fëmijëve, ruajtja e privatësisë së fëmijëve, keqpërdorimi i fjalëve në emisionet për fëmijët, respektimi i etikës”, tha z. Gentian Skënderaj.

Edhe kandidatja e radhës, znj. Anila Basha, në prezantimin e saj u fokusua në luftë